Климатските промени влијаат врз сите нас и претставуваат најголем предизвик со кој ќе се соочи човештвото во иднина. АЛКАЛОИД АД Скопје, како глобална корпоративна општествено одговорна компанија, е посветен на создавање одржлива иднина преку исполнување на стратегијата која е заснована на целите за одржлив развој на Обединетите нации и која опфаќа одржлива индустриска практика, одржлив дизајн, еколошка едукација, циркуларна економија, обновлива енергија и одржлив развоj. Стратегијата на АЛКАЛОИД АД Скопје е востановена преку примена и преку негување на воспоставената практика за управување со аспектите на животната средина, тимската работа и на несебичното вложување на секој вработен за градење одржлив систем за управување со животната средина, за создавање одржлива еколошка вредност на компанијата и за здрава животна средина за сите нас. При сите наши активности настојуваме да ги подобриме перформансите за заштита на животната средина првенствено преку производство на сопствена енергија од обновливи извори, промовирање на енергетската ефикасност во сите активности и процеси, континуирана примена на добрата практика за управување со отпадот, избегнување, намалување, повторна употреба и рециклирање на отпадот, инкорпорирање одржлив пристап во развојот на производите, следење и практична примена на најновите иновации во разни области, вклучително и најновите иновации за подобро постигнување климатска неутралност. #АлкалоидСкопје #ЗдравјетоПредСѐ

Ви ги честитаме велигденските празници со желби за добро здравје, мир и среќа за вас и за вашите најблиски. Ваш, Алкалоид #АлкалоидСкопје #ЗдравјетоПредСѐ

Актуелноста на витаминот Д особено дојде до израз во текот на пандемијата со COVID 19, при што се разбуди голем интерес, но се отворија и голем број полемики како кај општата популација така и во стручните и научни кругови. За таа цел, Македонското здружение за ентерална и парентерална исхрана, во соработка со уште шест лекарски здруженија, ја подготви научната публикација со наслов „Насоки за превенција, препознавање и за лекување на недостигот од витамин Д меѓу возрасната популација во Република Северна Македонија“. Таа опфаќа 8 медицински области и 27 заболувања, за кои се дадени препораки за соодветна употреба на витаминот Д. Оваа публикација наменета за здравствените работници има цел да даде осврт на улогата на витаминот Д кај разни ендокринолошки, дерматолошки, гастроентеролошки, ревматолошки, кардиолошки, белодробни, невролошки и психијатриски заболувања. Исто така, таа нуди одговори на прашањата за тоа која е улогата и до кој степен хиповитаминозата со витаминот Д ја влошува веќе развиената клиничка слика, дали хиповитаминозата е причина за заболувањето или негова последица, колкава доза, до која целна вредност и колку долго треба да се суплементира витаминот Д кај разни заболувања, како и кои се докажаните придобивки од корекцијата на хиповитаминозата. Со поддршка на АД „Алкалоид“, публикацијата е отпечатена во тираж од 1.400 примероци и ќе се дистрибуира до лекарските здруженија и до лекарите низ земјава. #АлкалоидСкопје #ЗдравјетоПредСе

Во месецот за подигнување на свесноста за заштита на менталното здравје сакаме да ја подигнеме свеста и да порачаме дека во менталното здравје треба да се вложува исто како во физичкото! Брзиот ритам на живот, секојдневните стресни фактори и изложеноста на различни ситуации често го туркаат менталното здравје во втор план, заради што многу луѓе, особено млади, се соочуваат со последиците од неговото нарушување. Давањето приоритет на менталното здравје е од суштинска важност за општата состојба на луѓето, бидејќи здравјето е пред сѐ во сите негови форми. Ние ви нудиме неколку совети за негување на вашето менталното здравје, а ви препорачуваме и да ја дополните оваа листа со нешта кои знаете дека ви одговараат вам. Здравјето пред сè! #АлкалоидСкопје #ЗдравјетоПредСѐ